lymi i heshtjes

më kujtohet vetëm lymi
vetëm lymi i zi

fotografi vdekjeje
janë në mua

zgjuar duke ecur
duke ndenjur mendoj
për bregdetin e lodhur
mendoj për qerpikun e kalbur
mes thërrmijave të vuajtjes

një grusht lym mi mbyll sytë
që panë gjysmëjetën
dhe rri lymi sot sikur ngjitës
në gojën time
që deshi ta përqafoj britmën
e pasqyrës
në rrojtore stinësh

bubullima më kujton heshtjen
frikohem

prapë kujtimet
oh kujtimet e flakta
që rrëfehen në shpirt
i dëgjoj
dhe vetëm unë
vuaj
nga tharja e zhurmës

© Skender Mustafi

Po këto i keni lexuar?