më shumë se dashuri

një lule për ty
e grepur me shtrydhje ndjenjash

pas natës
natë
dhe pas një nate tjetër
prapë natë
e zhveshur
fund e krye e zhveshur

kur u përshkua shpirti nga era
kaloi kohë e këngë
nga nata e parë belbëzuese

poleni i dhembjes
ka ndjenja hakmarrjeje
që flasin nga brenda
kurse përgjigja
vjen nga jashtë

përgjigje ndjenjash

dëgjohen britma nga jashtë
për netët pas natës së pa fund
që ngjizen sikur jeta

në retrospektivë
një lule
një këmishë në tokë
mbi to
një rreze hëne
mbi qerpik

© Skender Mustafi

Komentet nga Facebook:

Po këto keni lexuar?!!

Leave a Comment