takimi i pa pritur

e takoj mendimin për ty
dhe së bashku shikojmë
pikën e ujit në gjeth të mollës

aty në sy e shikoj mendimin për ty
dhe pikën e shiut
që zvarritet nga lart për në pafund

e pastër është pika
që e përshkon mendimin
edhe gjethi i lëmuar i mollës
që sa shkon e zverdhet në heshtje

vetëm mendimi nuk zbehet
por lahet në pikën e shiut
në flladin e mesditës

kur unë lagem në shiun e qetë
ngadalë i afrohem gjethit të mollës
të e thithi pikën e shiut
të e shuaj etjen

papritmas
nën gjeth e takoj mendimin për ty
të mbuluar me djersë
duke nuhatur aromën e luleve
që qetë qetë shiu ua këput petalet
dhe mbetet vetëm poleni i ngjitur për jetë
në pritje të diellit të parë

pas shiut

 

© Skender Mustafi

Komentet nga Facebook:

Po këto keni lexuar?!!

Leave a Comment