takimi me fëmijën

fëmijën e ëndrrës
e shikoj në sy dhe skuqem nga turpi

në prag të rrugës së thyer
e shoh kolonën që vete drejt diellit
dhe si shkrepë shfaqet heshtja
mes gurëve të lënë
fëmija heshtë

në ujëra lahem
e mureve përplasem

pllakat
flasin se si një i huaj ka urinuar mbi to
dhe vazhda ka mbetur

fëmija më shikon
unë duhet t’i them
se isha në mes të kolonës

ah
sa takim i tmerrshëm

 

© Skender Mustafi

Komentet nga Facebook:

Po këto keni lexuar?!!