ylli i veriut të ngrirë

0

atë natë
duke menduar jashtë kompetencave
të të menduarit
rrëshqiti mbi akullin
e nuhatjes sime dredharake
rrëmbyer nga frika
më përqafoi fort
ëndjen e akullt të iluzionit

mbërthyer nga mllefi
jashtë jorganit të frikës
shoqëruar nga drita
afër
mijëra vjet drite
mendova vetëm për ty
hëna ime e fundosur
me fundin e ëndrrës
në agun e avullt
nën diellin e të ndriturve
që fundosesh edhe më tej
në mëngjese të imagjinuara

atë natë mendimesh
isha zhveshur
edhe nga rrobat e ngjyrosura
me ngjyrë trëndafili
me ngjyrë pritjeje
m’i ngjyrosi koha faqet e akullta
më dha aromë shprese
shushurima e karkalecit bredharak

ylli i veriut të ngrirë
ishte veshur në të kaltër
sikur deti
me ngjyrë të zezë të kohës
më veshi edhe mua
shpresën e mllefit të rrezes
dhe iku me gjithë leshrat e mia
më la gati
shtrirë për tokë

një herë tjetër
kur erdhi koha
e natës kalorëse
ra ylli i veriut të ngrirë

i dënuar

dyshimi ishte
se ndonjëherë
do të dalë ndoshta
një rreze e vërtet jete

© Skender Mustafi

Komentet nga Facebook:

SHPËRNDAJE
Artikulli paraprakReagim ndaj shkrimit të Arbër Xhaferit
Artikulli tjetërme fundin e përhitur
Themelues dhe mirëmbajtës i portalit “Fjalaime.ch”. BSc. i Administrimit të Biznesit dhe MSc. i Sistemeve Informative të Biznesit. Me punë dhe qendrim të përkohshëm në Zvicër, Winterthur. Studimet e mia qoftë akademike, qoftë private pasojnë sferën e ekonomsë me përqëndrim në drejtimet e menaxhimit dhe marketingut dhe teknologjisë informative me përqëndrim në shfrytëzimin e teknologjisë informative për zhvillim të biznesit..

S'KA KOMENTE

PËRGJIGJU

Kodi i sigurisë *