njohja e vetes

Koha nevojshme për ta lexuar shkrimin, rreth 1 minutë

në këtë fletë të bardhë
që kur jam përlotur
nuk më njeh askush

loti nuk shihet
në këtë det ujë meiti

flaka djeg shpirtin e gjallëruar
që ty faqeve të bardha
të zhvesha lakuriqe
e më dole me mbulojë ngjyrë gjaku
palë-palë

mbeta  baltë përlyer me farë
djersitur para
ekranit që dënesë
e ti vullkani i heshtjes
qeshë
në mbrëmjet e shurdhëta
ku ngjizet jeta në morfium gëzimi
dhe asgjë nuk durohet

më të ëmbla janë skenat e skenave
me ngjyra-njolla
të pikturës jetë
se sa ne të kapur për gjokse
hedhur rrugëve të botës
që luajmë lojën e hidhur

ku unë jam hije e humbur
në dritën e hënës
e ti fotografi
në fletën e bardhë të përlotur

© Skender Mustafi

Komentet nga Facebook:

Po këto keni lexuar?!!

Leave a Comment