ah moj zanë e malit
po të kesh
sy të kaltër sikur oqeani
në fund të shpirtit tim
çdo të thoshin sytë e mi
moj bulëz e lagur
ah moj zanë e malit
po t’i kesh sytë e mëdhenj
që t’i përpinë sytë e mi
përmbytur gjer në fund të ndjenjës
ç’do të mendonin për fundosjen
moj bulëz e vogël
ah moj zanë e malit
po të kesh shpirt të madh
sikur zgafelle mali
me shpirtin tim në fund
me një kandil dashurie
ç’do të mendoje për jetën
moj bulëz e humbur
© Skender Mustafi
