Në këtë artikull janë mbledhur softuerët më të përdorur dhe më të “lavdëruar” në internet të cilët ndihmojnë në largimin e softuerëve dhe skedave “mbeturina” nga kompjuteri juaj. Softuerët janë falas dhe si bazë të përbashkët kanë mundësinë e largimit të softuerëve të dëshiruar nga kompjuteri, si dhe secili nga softuerët ofron mundësi specifike. Radhitja e tyre nuk nënkupton se i pari është më i mirë se i dyti, por se ashtu mua më pëlqejnë, pra ju vetë duhet të shihni se cili nga ata u përshtatet juve. Softuerët nuk janë kërcënues për funksionalitetin dhe sigurinë e kompjuterit tuaj edhe pse asnjë softuer nuk ofron 100% siguri në këtë drejtim, madje edhe softuerët komercial nuk e bëjnë këtë dot.
