Nina nina, o more bir

Nina nina, o more bir
Flej se gjumi të ban mirë
Të ban mirë e të rahaton
Shtatin, bir, ta pushon
Gjumi gjumi rehatshumi
Vjen me të marrë porsi pëllumbi
Nin–e-nin sheqer në letër
M’u bafsh, bir, plak i vjetër!
ç’po i këndon-o djali gjumit
Si vida që i këndon pëllumbit
ç’po i këndon-o djali djepit
Si bylbyli në gemb të plepit
Kndoi, kndoi, kndosh i bardhë
Rrite Zot, që e ke falë!
Nina, nina, more bir
Flej, se nana të don mirë
Sa dekika që ka sahati
Njashtu, djalë, t’u rritet ty shtati
Flej, o djalë se të ka falë Zoti
U bash trim si Kastrioti!
Flej, o djalë, ti flesh i bardhë
E gjithkund t’u dhashtë mbarë!
T’a avitë gjumi te kasnaku
Bir, te syni e te kapaku
Sa të mirë nana e ka djalin
Lum për Zotin që na e fali
Ma ka falë, don me ma rritë
Ma gzosh emnin që të kam ngjitë
Mori mollë, ma gzosh të ritë!
Lumja nana, bir, që të ka
Bir që t’ka edhe të pastë
Me të mira mbrapa të lashtë
Të mira, bir, sa zemra te dashtë!